nematen baanta ta, jis samt wo zeeshaan gaya
saath hi munshi-e-rahmat qalam baan gaya
le khabar jald ki Gairon ki taraf dhyaan gaya
mere maula mere aaqa tere qurbaan gaya
aah wo aankh ki naakaam e tamanna hi rahi
haae wo dil jo tere dar se pur armaan gaya
dil hi wo dil jo teri yaad se maa’moor raha
sar hai wo sar jo tere qadmo.n pe qurbaan gaya
unhe.n jaana unhe.n maana ,na rakha gair se kaam
lillahil hamd main duniya se musalmaan gaya
aur tum par mere aaqa ki inaayat na sahi
najdiyo kalma pa dhaane ka bhi ehsaan gaya
aaj le un ki panaah,aaj madad maan un se
phir na maanenga qiyaamat me.n agar maan gaya
uf re munkir ye ba.dha josh e ta’assub aakhir
bheed men haath se kam bakht ke imaan gaya
jaan o dil hosh o khirad sab to madine pahunche
tum nahin chalte, RAZA, saara to saamaan gaya