Noor e nabi ka noori ujala husain hain
Haidar va Fatima ka dulara husain hain
Neze pe chadhke sar ne padhi aayate quran
Is se bhi zahir ho gaya zinda husain hain
Abbas bole aale nabi hain husaine pak
Phir kis tarah pukarun main bhaiya husain hain
Nana nabi e pak ki ummat ke waste
Qurban ho gaya voh nawasa husain hain
Piyason ki bhid pake sabilon pe ye sada
Piyasi hain kayinat to dariya husain hain
Rab ko kiye hain karte hain karte rahenge ham
Afzal sabhi se aap ka sajda husain hain
Rab ki riza ke waste maidane jang main
Zulmon sitam ko sabr se saheta husain hain
Ahmad Raza se Faiz ne puchha to yun kaha
Mere to jadd e aala va aaqa husain hain